Mes 10 modeleve të laptopëve që kompania Lenovo ua ofron klientëve të saj për vitin 2022, është edhe ai ThinkPad E12, gjenerata e dytë.

Modeli ka dalë në treg në fund të vitit 2020, pra para një viti e gjysmë, por ende ofrohet si vlerë nga kjo kompani gjigante.

Në tregun online në Kosovë, disa dyqane online ofrojnë këtë produkt dhe platforma SaKushton i ka analizuar e krahasuar çmimet.

Laptopin më të lirë ThinkPad E15 Gen2 e gjeni në Gjirafa50. Ka 8 GB memorje e 256 GB hapësirë të brendshme, ekran 15.6 inch FHD dhe përdor procesorin 4-bërthamor Intel Core i5. Kushton 792.50 euro.

Krahasuar me çmimin real të këtij modeli, atëherë ky në Gjirafa50 është shumë i ulët, por kjo vjen edhe pasi tastiera te pjesa numerike ka disa simbole çeke, ndërsa Microsoft Office është në version provues ose nuk është i instaluar fare.

Këtë model të laptopit e gjeni edhe në dyqanin tjetër online PemaMall. Po ashtu ka 8 GB memorje e 256 GB hapësirë të brendshme, ekran 15.6 inch FHD dhe përdor procesorin 4-bërthamor Intel Core i5. Çmimi është 1,144.44 euro.

Në Neptun, ky model kushton më së shtrenjti, por edhe ofrohet më shumë memorje e hapësirë e brendshme. ThinkPad E15 Gen 2 me 16 GB memorje e 1 TB hapësirë të brendshme kushton 1.269 euro.

Për të parë më shumë lloje si dhe specifikat e tyre, kliko KËTU